Buotsaituhai: Rev. Maylawmthang

1. Tuorna umna san.
a. Thil iengkim hi Pathienin a dit dan le tha a ti anga a siem vawng a nih. (Gen 1:31)
b. Eden huona Adam le Evi’n dan an bawsietna leiin thil siem po po chunga tawngsie a uma,
chu tawngsie lei chun natna le tuorna a um. (Gen 2:17)

2. Dan bawsietna leia tuorna rahai chuh- (Ro 5:12; 18; 3:10; 6:23; I Cor. 15:21)
a. Khawvela thil siem po po chunga tawngsie leiin indona, tuorna le sietna a tlung
b. Mihriemhai chunga tuorna chuh-Lunghnuolna, nunrawngna, lungaina, beidawngna, intheidana, lungsena, inhmelmakna, a tawpa inthatna.
c. Ringtu ni leia tuorna. (Phil. 1:29; Heb 11:27; Acts 16:22-24)

3. Pathien in ieng leia ei tuor hi a phal am ning a ta?
a. Tuorna hi suolna ra ani leiin. (Ro 5:12;8:20-22;I Cor 15:22)
b. Tuorna hi sukthienghlimna hmangruo a ni leiin. (Ro 5:3-5)
c. Tuorna hi ei ringna fiena a ni leiin. (Jacob 1:2-4; Hab 3:18)

Hriltlang Ding (For Discussion)
➢ Thalai ta dingin tuorna/thlemna hi an tak bik am? Ieng tin am hne thei ei ta?
➢ Tuorna thangloin ringtu nun hi hmang thei ning a tih? Ieng chen him tuornaa ngai thei
ning a ta? Tuorna thang loa ringtu nun chu ieng ang am ning a ta?

(Matthai 10:22, Thupuongsuo 2:10, Luka 22:42-44, Hebrai 12:1-4)
Buotsaituhai: Pastor Jerry Lalringlien Amaw

Mathai 10:22 Ka hming leiin mi po po theida ni’ng in ta; a tawp chena ngir nghettu1 chu sandamin um a tih. (DV)

Thukeuna
Isu Krista hnung zui hi thil awlsam tak ani nawh. Mani inhn^wla, nitin mani kraws put puma zui dinga inchuktir ei nih (Mt. 16:24). A lampui a rinumin a harsaa, tuorselna neinaw chun zui el thei ruol an nawh. Isu Krista ringtu le a hnungzuitu nuna pawimaw em em chu tuorselna hi a nih

1. Tuorselna Umzie
Tuorselna hi Latin thumal perseverantia tia inthawka lak suok, thil khir le det taka chel/zawm (abide strictly to something) tina a nih. English chun perseverance ti ani a, umzie dang dang hieng harsatak puma thaw/tuor \al \^l na (persevere), dawtheina / tuortheina (patience), sukchang ruol lova ngir nghet (steadfast) ti hai hi a k^wk thei. Chuleiin, ringtu nuna tuorselna ei ti hi Krista ei ringna le zuina, thuz^wmna le thil\ha thawna kawnga, harsatna, thlemna le suknawmnatna hmunahai khawm sukch^ng ruol lova nghettak le dawtheitaka Pathien chel le zui fan fanna chu a nih.

2. Isu Krista Tuorna le Selna
Ringtuhaiin damlaini ei hmang meknaa tuorselna ei hrietfie le ei inchukna dinga ei entawn ding tak chu ei Lalpa Isu Krista ngei hi a nih. Khawvela a cham sung khan lawm nekin theidana a tuok nasa a, chawimawi nekin suknawmnat le hnawlin a um. Kraws ah hemdea a um khawm khan ama le ama an sandam theia, vantirko sangsari neka tam \hangpuitu ding Pa kuoma khawm a hni thei (Mt.26:53ff). Sienkhawm Pathien thiltum chu sukfamkima a um theina dingin hieng hai po po hi dawtheitakin a tuor muolsuo a nih. Eini a Pathien thiltum sukpuitlinga a um theina ding chun theidana, suknawmnatna le tuorna hai chu seltak le dawthei taka ei tuor
muolsuo ve a pawimaw.

Isu chu Pathien naupa meu nisienkhawm a thil tuor haia inthawk chun thuawi an chuk a (Heb.5:8). A thi ding ngei ngei na hmun a khawm, “Pa, rem I ti chun hi no hi mi la sonpek rawh, sienkhom keima thu ni loin nangma thu ni lem raw se” (Lk.22:42) tiin a la \awng\ai ta fan a nih. Mani ditthlang theina hmun a khawm thuawi inchuka, keima thu ni loin nangma thu
ni lem raw se tia Pathien kuoma inpekna hi tuorselna ropui chu a nih. A hmaa hlimna lo hmuoktu ding chu Isu’n a hmufie leiin muolphona chu ngain>pin, kraws-ah sel takin a tuor (Heb.12:2). Tuorna kh>lah hlimna le lawman mi lo hmuoktuhai chu ei thlir zing chun, turosel takin Krista hnung hi zui thei ei tih.

3. Tuorselna: Khawlai Hmun Am?
Taksa le thlarau rama kalch^winaa hin ringtu tinin turoselna ei mamaw senga. Ringtu nun chu intl^nsiek nun (Heb.12:1ff) a ni leiin lawmman hmu ngei dingin sel taka tlan ding a nih.

a). Fiena le Thlemna Hmuna “Thl>mna tuor hr^mhr^mtu chu a ham a thra, fiea a um hnungin hringna lallukhum, Lalpan
ama hmangaituhai kuoma a tiem chu a hmu ding a ni si a.” (Jk.1:12) Job chu a ringna fiein a um a, to zing pumin le dawthei takin a mangangna hmun a khawm Pathien a hrilsiet chuong nawh. Hringnuna fiena le thlemna tuok ch^ng Pathien mawsie el lovin, to zing puma Pathien nghak fan fan naa hin Pathien ropuina suklangin a um hlak. Thlemnahai chu tuorsel taka do hlak ding ana, fiea ei umin dawtheitaka ringna le hmasuon hlak ding a nih

b). Ringna
Krista nei hi rinumna, buoinahai pumpelna an nawh. Ringtu chun nitin khawsaknaa rinumna le buoinahai a tuok theia, sienkhawm Krista neitu an ta leiin makh^t an ta nawh. Rinumna tamtak tuorin Pathien lalrama l<t ding hai eini leiin ringnaa chun um zing dingin ei Pathien thu chun a min fuiin a min ch<ktir a nih (Tt.14:22). Job chun sietna tawpkh^wk tuokin tuor sienkhawm Pathiena a ringna an phat chuong nawh.

c). Sukdudana
The United Christian Forum (UCF) in a hril d^n chun kum 2022 khan India ah Kristienhai chunga tharum insuona vawi 600 chuong a tlung (record lo a tamlem a ni el di’m). Chun kum 2023, June thla chen a khan Kristien hai chunga tharum insuona le sukdudana state 23 ah a tlung tah tiin a hril bawk. Ei Bible chun “Sukdudana chu sel takin tuor unla, ieng lai khomin trongtrai ro. A suknomnatuhai cheu chu malsawm unla, trongsie inphur naw ro. Suol chu suolin thungrul naw unla, phub^ la naw unla, Pathien lungsennaa rul dingin kh>k lem ro.” (Rom 12:12, 14, 17, 19) tiin a min fui. Chuleiin, sukdudana hmun a khawm dawtheitak le sel taka umin ei ringna bul le sukfamkimtu Krista en zing puma (Heb.12:2) hringnun hi hmang ding a nih. Smurna kohran kuomah chun tuorna, pasietna le Diebol fiena k^r a khawm thi chena ringum dinga infui a nih (Thupuong 2:9-10).

d). Krista Zuinaa
Turoselna \hang lo chun Krista hnung hi zui ngam ruol ding an nawh. A ditdan le mihriem dit dan an ang naw leiin dit lo le thlang lo lampui hraw a \<l hlak. Ka hming leiin mi po po theida ni’ng in ta; a tawp chena ngir nghettu2 chu sandamin um a tih. (Mt.10:22). Krista hnung eizuinaa hin mihai lawm le ditsaknahai nekin theidana le hrilseitnahai ei tuok hun a la tlung rawp
ding ana. Sienkhawm, a t^wp chena ngir nghet le tuor muolsuo dinga infui ei nih. Chuong ang mi chu sandamin um a tih.

e). Rawngbawlna
Galati 6:9 Thil thra thaw hi nghok nawng ei tiu, ei inthlada naw chun a hun takah ei la sik ding a ni si a. (DV) Pathien rama rawngbawlna a hin beisei ang ra \ha ei sik naw hun a um hlak. Thil \ha thawin, thil \ha ei beiseia, sienkhawm hlawsama ei um hun a tlung hlak. Chuong ang hun pal hun a khawm rawngbawlna inthlada lova, beisei le nghak fan fanin Pathien ram hi phur
ding a nih. Thil \ha thaw nghawk lova thaw fan fan tu chun a hun taka a la sik ding a nih.

4. Ieng leia Ringtu Haiin Tuorselna Ei Pawimaw?
Mani kraws puta Krista’n a hnung zui dinga ami ko hai ei nih (Mt.16:24). Ei zui Krista hin lu innghatna ding a nei ve naw leiin (Mt.8:20) a hnungzui chu thil awlai an nawh, chuleiin tuorselna hi ei pawimaw a nih. Ringtu chu intl^nsiekmi ana, lawmman hnawtin a tl^n hlak. Chu lawmman hmu le chang ding chun tuorsel taka tl^n a pawimaw. (Heb. 12:1ff)

Thukharna
Tuorselna chu ringtu mizie le nina pawimawtak a nih. Taksa thila hlawtling ding chun tuorselna a pawimawa, chuongang bawkin thlarauva puitling nun ei nei pei theina dingin tuorselna hi a pawimaw takzet. Pathien thutiem, a malsawmnahai dawng ding chun amaa ngir nghet tlat ding a nih (Jak.1:12, Heb.10:36). Tuorna chun tuorselna a siem a, tuorselna hrethiem ding chun tuor
a ngai. Thlemna le fiena, sukdudana, rinumnahai sel taka tuor muolsuo tuhai chun lawmman hmung an tih.

Hriltl^ng Ding
1. Tuorselna mimalin a hriet ve dan hai hriltl^ng nisien.
2. Iengtin am tuorselna chu nei thei ei ta?
3. Ieng hun ^m, khawlai hmun am tuorselna ei pawimaw a?
4. Ringtu nuna tuorselna a pawimawzie hriltl^ng nisien.

Buotsaituhai: Rev. Nelson Songate

(Philippi 3:13-14)

“Amiruokchu hi thil pakhat hi ka thaw hlak, Hnungtienga thil um hai chu theinghila hmatienga thil um hai chu banin, Krista Isu Pathien chungtieng kona san lawmman hmu dingin, tiemchin tieng ka pan tal tal anih” (Philippi 3:13-14). BSI

Thuhma:
Kar hmasaka ei beiruol subject lesson 2 khan “Tuorselna le Ringtu Nun” ti ei lo inchuk tah a. Vawizan ei beiruol a zan thumna Lesson 3 na ah hin ei Thupui “Tuorselna” ti hmanga ei inchuk thlang ding chu “Tuorna San le Lawmman” ti anih. Ringtu nuna fiena dam, tuorna dam le sukdudana dam ei tuok le ei tuor hai hi Pathienin ami lo phal pek hrim an lo nih (Johan 15: 19-20). Iengkim hi Pathienin a san neia a siem vawng an niha, san nei lova siem khawvela hin iengkhawm a um nawh(Thuvarhai 16:4, Thuhriltu 3:1).

1. Ei tuorna san.
i) Lalpa thununna (Discipline) a min chuktir. Hebrai 12: 5-7 “Ka nau, Lalpa thunanna chu ngainep nawla, A kawka I umin inthlada bawk naw rawh; Lalpa chun a hmangai chu a thunun hlaka, Nau a ilawm taphawt chu a vuok hlak I sawnnaw.” ti hi. In tuor hi nangni thununna ding anih; nauhai chunga thaw angin Pathienin in chungah a thaw ani hi; pa thunun naw nau tu am a um hlak a (Hebrai 12: 5-7). BSI Thunanna chun ra tha tak an suo ngei hlak. Pa in nau a ilawm taphawt chu a thunun hlak. Pathien khawmin a nau, a ilawm taphawt hai chu ami thunun hlak, ama ei ang nawkzuol theina dingin.

ii) Thuawina (Obedience) a min chuktir. Hebrai 5:8
“Naupa rau ni sienla kawm a thil tuor haia chun thu awi an chuk tah anih; (Hebrai 5:8) BSI Lalpa thutiem hai(promises) dawng ding chun, a tiemtu thu thua um atul. Thutiem dawngna dinga pawimaw tak chu Lalpa thuawina hi anih.

iii) Inngaitlawmna (Humility) a min chuktir. 2 Korinth 12:7-10
“Chun inhriettiena hai chu a nasa bek bek leia kan ngaihlu taluo nawna dingin tisaah hling ami pek anih. Setan tirko, kut inthak nulna a mi hmangtu ding chu; chuong naw chun inngaihlu taluo rawi katih(2 Korinth 12:7). BSI “Chuleiin, Krista leiin hratnawnaahai, sietnaahai, hnengdenaahai, suknawmnatnaahai, hnawchepnaahai, ka lawm hlak anih, ka hrat naw po leh ka hrat hlak a nih” (2 Korinth 12:10). BSI

Tirko Paula meu khawmin, a varna le a thiemna hai tamtak suong ding nei sienla khawm, Krista leia a rinum tuorna hai, a harsatna tuok haia, a taksa hratnawna hai dam popo chu a hringnun a inngaitlawmna inchuktirtu ah a ngai a, chuleiin, “ka hratnawna hai chu suong lem tang ka tih”, alo ti thei anih (2 Corinth 12:9). Tirko Paula inngaithlawmna ang hi eini ringtu hai khawmin ei va pawimaw ngei de!

iv) Unau hai tuorna intawmpuitu hai ei nih. Hebrai 10:34
“Kawlbun hai chu in lainat a, thil tha lem, um sawng bawk ding chu, maniin in nei ti hrein, inthilneihai lakpeka in umnaa kawm lawm takin in lo tuor tah a (Hebrai 10:34). BSI Kohran hmasa hai khan suknawmnatna nasatak an lo tuora, hnawtdara umin an in le lo hai
tlansanin, an thil nei hai chen khawm lakpeka umin, Krista hmingin a lo tuora, mi tamtakin an hringna hai chen khawm an lo chan tah anih (Rom 8:1-3), (Matthai 24:9). Krista hming leia ei tuorna le ei rimsikna tuor hai hi, ringtu tamtak lo tuortah hai tuorna intawmpuitu hai ei ni leiin, ei tuorna hai a inthawk khawmin lawm takin ei tuor pei ding anih, ei lawmman ding chu a kuomah a um sia.

v) Krista tuorna intawmpuitu hai ei nih. Philipi 3:10, Hebrai 13:13, 1 Peter 5:1,
“Krista le a thonawkna thilthawtheina chu kan hriet chieng theina ding le a tuornahai inthawmpuia, a thina ah ama ang ka hung ni theina dingin (Philippi 3:10). BSI Chuongchun, ama an hmusitna chu phurin kawhnawmah a kuom tieng fe suok veng ei
tiu(Hebrai 13:13).BSI Krista Isu’n ami hmangaina nasatak leiin rinumna tinreng a tuora, kross chenin, ei ta dingin ahung thi anih(Rom 5:8). Eini khawm ama ta dinga rinum tuor hi ei thaw ding reng anih(Hebrai 13:13). Krista tuorna intawmpuitu hai ei ni leiin ei hamtha bek bek, a ropuina khawm ei intawmpui ding anih sia(1 Peter 4:13).

2. A lawmman.
i) Nungchang nghet (Character) a siem. Rom 5:4‘Tuorselna chun Nungchang Nghet a siem,(DV)’ Rom 5:4 Ringtu nuna fiena dam, tuorna dam le sunawmnatna hai hin nunchang(character) nghet a mi siem pek.

ii) Beiseina (Hope) a siem. Rom 5:4
‘Nungchang nghet chun beiseina a siem ti ei hriet si a, (DV)’ Rom 5:4
‘Beiseina chun lunghnuolin ami siem ngai nawh’(DV) Rom 5:5
‘Beiseina chun ami sukbeidawng ngainawh’ (DV) Rom 5:5

Mihriem hai hin ei hringnun ah beidawng chang dam, hratnaw chang dam, nat chang dam le chau chang ni hai dam ei nei hlak. Beiseina neinaw mi chu, hring zing sienkhawm, thi ang chau el anih. Saptawngin, “To live without hope is to Cease to live” an lo tih. Beiseina neilo hringnun chu, hringnun lungsietum tak anih. Chuleiin, mihriem haiin khawvela ei hringnun ah ei mamaw bek bek el chu beisena(Hope) hi anih. Beiseina hi Pathiena inthawka suok anih (Psalms 62:5). Biblein, thil pathum, um zing ding a hril hai laia pakhat chu ‘beiseina’ hi anih (1Cor.13:13).

iii) Vana Lawmman (Rewards) hmu ding hai ei nih. Hebrai 11:26
“Krista an hmusitna chu Aigupta ram rohai nek chun sum ropui lemah a ruot a, lawmman pek ding chu a thlir hlak leiin (Hebrai:11:26). BSI

Tirko Paula chun, ringtu nun hi kawvela inruolsiekna(Sports) leh alo tekhi anih (1 Korinth 9: 24-26). Ringtuhai chu lawmman hmudinga inruolsieknaa tlan ang ei lo nih. Mosie ngei khawm chun, Krista an hmusitna chu Aigupta ram rohai nek chun sum ropui lemah a ruot anih kha, a lawmman ding a thlir thlat leiin (Hebrai:11:26).

Hla siemtu chun hieng ang hin a lo hril:
“Kross bula thlarau ei hung thuoi lut tah hai le,
A huonga beram ei khum hai chu,
Ei lallukhum sukmawitu la hung ning an ta,
Rangkachak khawpui mawitak ah chun.”

Pathien rama ei rawngbawlna hai le ei rawngbawlna ra hai chu, nakie leh ei lallukhum sukmawitu la hung ni ve ngei an tih (2 Timothe 4:8). Van ah ei lawmman ding thlir zing pumin ei inruolsiekna ah hin sel takin tlan pei ei tiu(Philippi 3:14).

iv) Aropuina (Glory) chang ve ding hai ei nih. Rom 8:18, 1 Peter 4:13
“Tulaia tuorna hai hi ei chunga ropuina suklanga la um ding le chun hrilkhi khawpa ka ngai si nawha(Rom 8:18). BSI
“Krista tuorna hai tuorpuituhai in ni zie ang peiin lawm lem ro; chuongchun, a ropuina a hung
inlang pha chun nangni khawm hlim takin lawm thei in tih(1Peter 4:13). BSI
“…ro hluotu hai, Pathien rohluotu, Krista hluopuitu hai ei nih…(Rom 8:17). BSI

Vanram ei tlung pha chun, thina le natna hrim um tanaw niha, ei inthiengnawna hai, ei natna
hai le ei rinumtuorna hai popo chu lakhmangin um tanga ata, sukdanglama umin, ropuina chu
ei chang ve ngei ding anih(1 Korinth 15:52)

THUKHARNA:
Kristien hringnun lampui hi lampui tlun rawng le inhawi rawng vawng anih nawh(Matthai 7:13). Harsatna le thlemna tamtakin a mi hmuok hlak anih(Jakob 1:2), (Peter 4:12). Tirko pawla chun Timothe kuomah chun, Krista Isu sipai thatak anga rinum tuorpui rawh, tiin a fiel (1 Timothe 2:3). Isu Krista chu, a tawpna chena tuor pei taphawt chu, chu ngei chu sandamin um atih, alo tih anih (Matthai 24:13).

Tirko Paula angin, hnungtienga thil um hai chu theinghila, hmatienga thilum hai chu banin, Krista Isua Pathien chungtieng kona san lawmman chu hmu dingin, tiem chin tieng pan tal tal ei tiu (Philippi 3:13-14).

HRILTLANGNA/ DISCUSSION:
1. Hla siemtu chun,
“Rinum, thlemna ka tuor lain,
Hlingin ka ke an huol vel lai,
Lungril taka ka ngaituoin
Lalpa imi ngaituo… alo tih.

An nawleh nang teh rinum,thlemna hmun ah ‘Lalpa i mi ngaituo’ i tih thei ve am? I hringnun ah rinumna dam, thlemna dam le harsatna dang dang i tuokhai kha ngaituo la, i lungrila zawna (Question) lientak Pathien le in inkara in suolpui/buonpui hlak chu iem
ana? I tuorna kha Pathien le in inkar sukhlattu a an chang am? OR Pathien le in inkar sukhnaitu ah an chang hlak?